Plantun de Prouvènço

Pèr coumpara dos planto d'encò nostre

Bupleurum tenuissimum & Myosotis laxa

Bupleurum tenuissimum

Apiaceae Umbelliferae

Nom en français : Buplèvre menu.

Descripcioun :
Lou buplèvre-prim es uno planto dindouleto, ramificado tre la baso e que retoumbo souvènt. Èi pèr acò que se vèi pas toujour. Trachis dins li prado e pelouso umido, li mueio e pulèu sus marlo o argielo e de cop que i'a sus un sòu sala. S'aluencho pas trop de la mar. Sèmblo proun au buplèvre-verdau, Bupleurum semicompositum, pamens aquest darrié trachis dins li relarg secous, e si fru soun pas cubert de costo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 50 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Bupleurum
Famiho : Apiaceae
Famiho classico : Umbelliferae

Ordre : Apiales

Coulour de la flour : Roso
Petalo : 5
Ø (o loungour) flour : 3 mm
Flourido : Printèms - Estiéu - Autouno

Sòu : Na Cl
Autour basso e auto : 0 à 600 m
Aparado : Noun
Remarco : Planto de coustiero
Jun à óutobre

Liò : Prado umido - Mueio - Marlo - Ermas
Estànci : Mesoumediterran
Couroulougi : Mediterrano-atlantico
Ref. sc. : Bupleurum tenuissimum L., 1753

Te-vese-e-t'ame(-fourro-bourro)

Myosotis laxa

Boraginaceae

Àutri noum : Ti-viéu-e-t'aìmi, Uei-de-l'enfant-Jèsu.

Nom en français : Myosotis gazonnant.

Descripcioun :
Aquéu te-vese-e-t'ame, pulèu rare, trachis en ribo de ribiero, dins li prado umido e li roubino de palun. Emé si péu contro li sepalo se destrìo dis aùtri Myosotis di flour pas trop grosso. Tambèn, i'a ges de bratèio dins l'enflourejado e lou "calice" crèis proun après la flourido.

Usanço :
Li flour podon se bouta dins lou mesclun. Se dis que li te-vese-e-t'ame soun vertuous contro l'enflamacioun, majamen pèr lis iue ("principe di signaturo").